Biztanleriaren bilakaera / Adin taldeka / Bestelako datuak
Astigarraga aldean ezagutu izan diren giza talderik zaharrenak, duela 27.000 urte ingurukoak dira. Garai hartako gizakiak Aitzbitarteko haitzuloetan, Landarbason, izaten zuen babesleku. Baina sasoi ilun horiek alde batera utzirik, ez baitugu dokumentaziorik, XII. eta XIII. mendeetan gauzak garbiago ikus daitezke, kanpotarren etorrera eta bertako hazkunde demografikoaren ondorioz, Astigarraga gaur egun duen izaera orduan hasi baitzen egituratzen, hiru biztanle-gune desberdin zehaztu baitziren: Santiagoko herrixka (Santiagomendi), Murgiako muinoa eta Ergobia ingurua. Baina, hala ere, Astigarraga herri bezala aipatzen duen lehen erreferentzia 1.347. urtekoa da.
Garai horretan, Aiztondoko Alkatetzaren barruan zegoen Astigarraga, baina handik 263 urtetara, bertako biztanleek udal subiranotasuna kosta ahala kosta lortzeko erakutsi zuten asmo finkoari esker, baita horretarako norberaren ondasunak hipotekatu behar baziren ere, 1660. urtean Aiztondotik bereizi egin zen Astigarraga; horretarako, ordea, 2.000 dukat ordaindu behar izan zizkion Espainiako erregeari. 1672ko ekainaren 14ko agiri batek azaltzen du Murgiako jaunari lurrak eskatu asmoz bildu ziren herritarrek, 31 lagun guztira, herri horretako biztanle kopururik handiena eta sanoena sartzen zutela agiri horrek dioenez. Botua eman zezakeen 25 urtetik gorako gizonezko bakoitzeko, bataz beste bost laguneko familia hartzen badugu, garai hartan 155 biztanle inguru izango ziratekeen orotara.
Jarduera ekonomikoak, bai nekazaritzak, bai eskulangintzak edota merkataritzak gorakada handia izan zuen garai horretan. Horrek eta Ergobia zein Murgia 1840an Astigarragako udalerriari lotu izanak, biztanleriaren hazkundea sustatu zuen eta, horrela, 1.300 biztanleetara iritsi ziren 1900. urterako. 1941ean, Astigarraga Donostiari atxikirik geratu zen auzo gisa, ordurako 1.854 biztanle bazituen. Francoren diktadura ostean, bere etorkizuna erabakitzeko aukera berreskuratzen du Astigarragako herriak eta, 1984ko abenduaren 30eko erreferendumean, 1941 aurreko egoerara itzultzeko borondatea erakusten du gehiengoak. Handik gutxira, Donostiako Udalak onarturiko desanexioa, Foru Aldundiak eta Gipuzkoako Batzarre Nagusiek berretsi zuten 1987ko apirilaren 9an. Azkenean, Astigarragako Udal demokratiko berria eratu zen 1987ko ekainaren 30ean. Gaur egun, 4.388 biztanle ditu Astigarragak, honako honela osaturik:
Familia kopurua: 1.636.
Batezbesteko familia: 2,7 kidekoa.
| 1902-12-31 | 1.310 |
|---|---|
| 1905-12-31 | 1.325 |
| 1919-12-31 | 1.451 |
| 1924-12-31 | 1.638 |
| 1928-12-31 | 1.614 |
| 1937-12-31 | 1.876 |
| 1940-12-31 | 1.854 |
| 1970-12-31 | 2.836 |
| 1986-04-01 | 2.985 |
| 1987-12-31 | 3.019 |
| 1988-12-31 | 3.031 |
| 1989-12-31 | 3.059 |
| 1990-12-31 | 3.070 |
| 1991-12-31 | 3.236 |
| 1992-12-31 | 3.261 |
| 1993-12-31 | 3.201 |
| 1994-12-31 | 3.157 |
| 1996-05-01 | 3.178 |
| 1997-12-31 | 3.208 |
| 1998-12-31 | 3.355 |
| 1999-12-31 | 3.452 |
| 2000-12-31 | 3.649 |
| 2001-12-31 | 3.796 |
| 2002-12-31 | 3.960 |
| 2003-12-31 | 4.112 |
| 2004-12-31 | 4.156 |
| 2005-12-31 | 4.237 |
| 2006-12-31 | 4.388 |
| Adina | G | E | Guztira |
|---|---|---|---|
| 0-5 | 217 | 191 | 408 |
| 6-11 | 133 | 97 | 230 |
| 12-17 | 114 | 93 | 207 |
| 18-23 | 123 | 120 | 243 |
| 24-29 | 199 | 172 | 371 |
| 30-35 | 301 | 326 | 627 |
| 36-41 | 324 | 268 | 592 |
| 42-47 | 192 | 208 | 400 |
| 48-53 | 202 | 173 | 375 |
| 54-59 | 141 | 121 | 262 |
| 60-65 | 117 | 106 | 223 |
| 66-71 | 73 | 82 | 155 |
| 72-77 | 61 | 73 | 134 |
| 78-83 | 37 | 70 | 107 |
| 84-89 | 13 | 28 | 41 |
| 90-95 | 2 | 9 | 11 |
| > 95 | 0 | 2 | 2 |
| GUZTIRA | 2.249 | 2.139 | 4.388 |
