Sagastiak ugariak dira gure lurretan, izan ere, horretarako egurats eta lur egokiak izateaz gain, ez da alperrik gizakientzako eta abereentzako elikagai eta sagardoa egiteko oinarrizko lehengai. Sagastiak landatzen zirela adierazten duen lehen agiria 1104. urtekoa dugu.
Antzinan baserri guztiek zuten beren sagastia eta baita horietako askok dolarea ere. Horietan egiten zen etxerako sagardoa. Bestalde, sagardoa leku publikoetan ere edaten zenez, bizimodu tradizionalaren izaerari lotu zitzaion. Mende honen erdialdera sagardoaren ekoizpenak eta kontsumoak behera egin zuen, izan ere, batetik, baserritarrak kaletartzen hasi ziren eta bestetik, edari berriak merkaturatzen. Gaur egun tradizioaren eta industriaren arteko sagardogintza asko ari da hedatzen, sagardotegira joatea puri-purian baitago.
SAGARDOTEGIAK